የባለ አክሲዮኖች ጠቅላላ ጉባኤ ጥሪ

መቅረዝ የጤና አገልግሎት አክሲዮን ማኅበር በኢትዮጵያ የንግድ ሕግ አንቀጽ 393 እና 394 እንዲሁም በአክሲዮን ማኅበሩ መተዳደሪያ ደንብ አንቀጽ 9 መሠረት የባለአክሲዮኖች 2ኛ መደበኛ ጠቅላላ ጉባኤ እሑድ የካቲት 27 ቀን 2014 ዓ.ም ከቀኑ 7፡30 ሰዓት ጀምሮ ካሳንችስ ወሳኝ ኩነት ቅርንጫፍ ፊት ለፊት በሚገኘውና ቀድሞ ዮርዳኖስ ሆቴል የነበረው የአክሲዮን ማኅበሩ አዲስ የጠቅላላ ሆስፒታል ሕንፃ ላይ በሚገኘው የስብሰባ አዳራሽ ይካሔዳል፡፡ ስለሆነም በስብሰባው ላይ በአካል ወይም በሕጋዊ ወኪሎቻችሁ አማካኝነት እንድትገኙ በአክብሮት ጥሪውን ያስተላልፋል፡፡ ተጨማሪ ያንብቡ…

በሀገራችን በኢትዮጵያ ውስጥ ያለውን የነጻ ገበያ ሥርዓት ተጠቅመው በጤናው ዘርፍ ላይ በማተኮር በጤናው የአገልግሎት ዘርፍ እንዲሁም የገቢና ወጭ ንግድ አገልግሎቱን ለሚፈልጉ ሁሉ የተሻለ አማራጭ በመሆንና አገልግሎት በማቅረብ ለሀገሪቱ አጠቃላይ ማኅበራዊና ኢኮኖሚያዊ ዕድገት የሚጠበቅባቸውን ተገቢ ድርሻ ለማበርከት አስበውና ራዕይ ሰንቀው በተነሱ የመጀመሪያው የዳይሬክተሮች ቦርድ አባላት በሆኑት የቀድሞው አደራጆች በወጠኑት ዓላማ የተስማማሙ ዓላማውን ከግብ ለማድረስ በወሰኑ 102 በሚሆኑ በጤናው ዘርፍ ረጅም ልምድ እና ክህሎት ባዳበሩ እና በአስተዳደር፣በፋይናንስ እና በተቋም አመራር የላቀ ልምድ ባላቸው ኢትዮጵያውያን እና ትውልደ ኢትዮጵያውያን በ 1952 ዓ.ም በወጣው የንግድ ሕግ መሠረት በተከፈለ ካፒታል ብር 4 170 000.00 በመስከረም 12 2013 ዓ.ም በምዝገባ ቁጥር ፡ AR/AA/3/0006864/2013 መቅረዝ የጤና አገልግሎት አ.ማ. ሕጋዊ እውቅና አግኝቶ ተቋቋመ፡፡